LEGAZPI CITY- Pormal ng nagsunad nin kaso si Albay Vice Gubernatorial Candidate Jun Alegre sa Albay Provincial Prosecutor’s Office kontra sa masahista na nag-alegar saiya nin pangba-bastos.
Paliwanag kaini na labing naapektaran an saiyang pamilya kan maglakop an nasabing mga impormasyon.
Marurumduman na Enero ngunyan na taon na nagpa-blotter an sarong masahista huli sa suboot pambabastos saiya ni Alegre, bagay na pinahimutikan man kaini.
Dugang pa ni Alegre na politically motivated an ginibo saiya ngani na rautan an saiyang pangaran urog pa na madalagan siya sa paparaning pirilian.
Naglalaom man ini na makukuwa an hustisya sa nangyaring pangraraot saiya.
