LEGAZPI CITY – Nakatalaang magbarewas nin mga Pasteurized Milk an Albay Dairy Plant sa mga eskwelahan sa provincia.
Segun ki Albay Dairy Plant Manager Engr. Ninivie Latigay sa intrevista kan Bombo Radyo Legazpi na mapoon na sinda mag distribwer sa Enero 20 sa mga beneficiary asin matapos sa March 11 kun sain makakaresibi sinda nin gatas urualdaw.
Nasa irarom ini kan partnership ninda sa Department of Education Albay Divison kun sain makakaresibi kan nasambitang gatas an 33 elementary participating schools.
Kabtang man ini kan saindang pakikisumaro sa pag-implementar kan School Based Feeding Program sa provincia kan Albay.
Pigtaram pa ni Latigay na obheto kan saindang pigprodusir na gatas na makakuwa an mga estudyanteng mga joven nin nutrients partikular na sa mga under-nourished students nganing mailikay sinda sa huma kan pagigin malnourished.
Natural ini asin warang pighalong kemikal kun kaya dae man nahali digdi an importanteng mga nutrisyon na kaipuhan kan mga joven nganing magin mabaskog an mga ini asin nakakatabang man suboot ini nganing maka-focus nin maray an mga estudyante asin may maukudan sa klase.
May nahiling na sinda na magayon na pagbabago sa salud kan mga estudyanteng dati na nindang natawan kan nasabing gatas kun kaya kompyansa sindang magigin lyabi ini sa pagsugpo kan malnutrition sa provincia kan Albay.
Pigtawan doon pa ni Latigay na nakikisumaro sinda sa paglaban sa malnutrisyon sa provincia asin pigsyerto kaini na dekalidad an saindang pigbabarewas na mga gatas sa mga estudyanteng pigkakapos sa nutrisyon.
