LEGAZPI CITY- Sinierto kan Albay Schools Division Office na magpapadagos an pagkanuod kan mga estudyante sa paagi kan flexible learning makalihis na suspinderon kan provincia an face-to-face classes sa Setyembre 29 hasta 30.
Marurumduman na sinuspinder an in-person classes huli sa nakatalaan na transport strike sa nasabing mga aldaw.
Segun ki Albay Schools Division Office spokesperson Froilan Tena na handa man an saindang lado sa mga kaparehong suspensyon ngani na dae man maulang an pag-aadal kan mga kaakian.
Napag-araman na preparado man an mga learning materials siring kan mga answer sheets na pigpapadara sa mga kaakian.
Dagdag pa kan opisyal na pigkokunsiderar man ngunyan an nagkapirang mga lakdang ngani na maserbisyuhan an mga non-teaching personnel na mapasiring sa eskwelahan o dagos na mag work from home an mga ini.
