LEGAZPI CITY – Nagpapadagos an monitoring kan Albay Schools Division Office manungod sa nagin danyos na ipigkawsa kan paghagupit ni Bagyong Opong sa rehiyon Bicol.
Segun ki Schools Division Office Albay Spokesperson Froilan Tena sa intrevista kan Bombo Radyo Legazpi na mga minor sana an naireport sa saindang ofisina arug kan pagbagsak kan parte kan kisame kan sarong classsroom na nairehistro sa banwaan kan Polangui.
Alagad sa ibong kaini an ipighayag niya man na nalinig na man an naunambitang classroom asin pwedesir nang gamiton sa pagbubukas liwatg kan klase sa lunes.
Sa kabilugan suboot an masasabi niyang wara man nin ibang epekto sa mga eskwelahan sa mga provincia an nairehistro durante kan naunambitang bagyo.
Pigtaram pa kan opisyal na ipiglansar ninda an ALBAYanihan para sa Masbate na sarong klase nin donation drive para sa mga eskwelahan asin komunidad na nadanyaran kan pangrarapado ni Bagyong Opong partikulamente na sa provincia kan Masbate.
Pwedesir man suboot na magdonar an maski siisay man na may marhay na boot nin cash o in-kind donation na makakatabang sa mga Masbateño arug kan bagas, canned goods, learning materials asin iba pa.
Nagsagibo na sinda nin pag-oorolay sa pagultangan ninda kan Masbate City Schools Division Office asin ipinahiling sainda an presenteng sitwasyon kan mga eskwelahan huli sa epekto ni Opong.
Pangapodan ni Tena sa publiko na dae magduwang isip na magtabang asin magdonate sa saindang donation drive nganing matabangan an mga paratukdo, estudyante asin iba pang indibidwal sa provincia kan Masbate na nadanyaran kan bagyong Opong.
