LEGAZPI CITY- Nagpagirumdom an Albay School Division Office para sa mga evacuees na magamit kan mga classrooms na maging responsable asin maingat sa paggamit nin mga pasilidad kan eskwelahan.
Ini an katakod kan pinag-aandaman na epekto kan bagyong Pepito kun sain pinag-aantisiparan an pag-ebakwar kan nagkapirang mga residente.
Sa intrevista kan Bombo Radyo Legazpi ki Albay SDO spokesperson Froilan Tena, sinabi kaini na liwat na nagpaluwas nin abiso an ahensya dapit sa pakiolay sa matanos na paggamit sa mga ekwalahan.
Pangapudan kan opisyal na maging disiplinado asin responsable sa paggamit kan pasilidad kan mga eskwelahan.
Mientras tanto amay man na nagpreparar an mga paratukdo na i-secure an mga gamit kan mga estudyante bilang pag-andam sa posibleng mangyari oras na magpamati na an bagyo sa probinsya.
Paliwanag ni Tena na pig-iibitaran na mautro an naging situwasyon durante kan bagyong Kristine kun sain dakol na mga kagamitan an nadistroso.
