LEGAZPI CITY- Nagpapadagos na preparasyon kan mga atleta kan provincia kan Albay para sa paparaning Palarong Pambansa.
Segun ki Albay Schools Division Spokesperson Froilan Tena sa intrevista kan Bombo Radyo Legazpi na maski pa bakasyon, dakol an mga paratukdo na nagboluntaryo na mamayo sa preparasyon kan mga atleta.
Napag-araman na presenteng naka in-house training an mga atleta na mapartisipar sa Palarong Pambansa 2025.
Paliwanag kan opisyal na mawot nindang matutukan an pangangaipo kan mga atleta asin maibitaran an injuries kan mga ini antes an sporting event.
Sa presente pigkakarkulong nasa 300 an mga delegado kan provincia kaibanan na an mga atleta asin mga coaches.
Target man ngunyan kan Bicol region na mai-angat pa an rankings kan rehiyon sa paagi kan pagdugang nin mga coaches na matutok sa mga athlete.
