LEGAZPI CITY- Padagos an pag-ofresir kan Albay Provincial Veterinary Office katabang an mga barangay asin local government units nin librent anti-rabies vaccine.
Ini an ngani na mailikay an mga ataman na ikos asin ayam sa rabies.
Segun ki Provincial Veterinarian Dr. Pancho Mella sa intrevista kan Bombo Radyo Legazpi na obligado man an mga pet owners na magparehistro kan saindang mga ataman ngani na magbenepisyo kan libreng bakuna.
Saro ini sa mga lakdang kan ahensya ngani na mapreventaran an paglakop kan rabies virus sa mga ataman asin posibleng magdara nin huma sa salud kan mga tawo.
Basado sa datos kan ahensya, napag-araman na wara pang namo-monitor na rabies cases sa provicia sa enot na duwang bulan kan taong 2025 kaya mawot ining mamantenir hasta sa pagtatapos kan taon.
Marurumduman kaya na kan nakalihis na taon, igwang sampulong mga persona an binawian nin buhay sa provincia huli sa rabies.
