LEGAZPI CITY- Aminado an Albay Provincial Veterinary Office na dakula an epekto kan ashfall sa salud kan mga livestock.
Ini an katakod kan nagkapirang mga reports na igwang mga paraoma an nadidifisilan na sa pagkuwa nin pagkaon para sa saindang mga ataman huli ta kadaklan sa mga masetas asin dahon an apektado na kan pagbagsak nin abo hali sa bulkang Mayon.
Segun ki Albay Provincial Veterinarian Pancho Mella sa intrevista kan Bombo Radyo Legazpi na sa presente mas makakatabang kun matutukduan an mga paraoma sa mga alternatibong pagkaon para sa saindang mga ataman.
Pwedesir man suboot na magkolekta an mga ini nin awot o masetas asin hugasan nin marhay antes na ipakaon sa saindang mga ataman.
Sa presente sinabi kan opisyal na wara pa man na nakaka abot na report sa saindang opisina na igwang nagkakahelang na mga ataman huli sa ashfall.
Sa ibong kaini, sinierto ni Mella na regular an saindang pagsasagibo nin veterinary medical mission asin pagtatao nin bitamina para sa mga livestocks ngani na mapangatamanan an salud kan mga ini sa tahaw kan Mayon unrest.
