LEGAZPI CITY- Padagos an paglalatag nin mga lakdang ngani na mapakusog an hog industry sa rehiyong Bicol.
Segun ki Albay Provincial Veterinarian Dr. Pancho Mella sa intrevista kan Bombo Radyo Legazpi na kaibanan sa mga programa na saindang pigigibo ngunyan an Artificial Insemination.
Obheto kaini na matabangan an mga local hog raisers huli ta imbes na magamit nin butakal, an semilya na ipig proseso na sa laboratoryo an gagamiton.
Paliwanag kan opisyal na igwang mga technicians na ipigsairarom sa training ngani na magpasiring sa mga barangay asin i-insiminate sa mga inahing urig.
Napag-araman na libre ining itatao sa mga hog raisers na nagparehistro sa programa.
Segun pa ki Mella na nagrenta an ahensya sa tabang kan Department of Agriculture nin pasilidad na nagkakantidad nin P4.7 million na igwang sampulong butakal ngani na mapagkuwaan nin semilya.
