LEGAZPI CITY- Nagpagirumdom an Albay Provincial Library sa mga mahilig magbasa asin mga regular na nagbibisita sa pasilidad na magin maingat sa paggamit kan mga reading materials siring man sa pagsubli kan mga ini.
Sa intrevista kan Bombo Radyo Legazpi ki Amleen Bautista, provincial librarian, saro sa mga pighahagad suboot kaining rekisitos an library and damage card tangarig na kompletong ma-avail an mga ipig-oopresir na servicio.
Ini man an gagamiton tangarig na makasubli nin mga libro sa pasilidad.
Kaiuhan sana suboot na magsumiter nin duwang 1×1 ID picture asin papirmahan sa guarantor na government officials asin classified civil service employees.
Mientras tanto, dae man nagpapasubli an library sa mga aki asin mga adult sana an pigtutugutan kun saen en kaso dae maiuli, igwang piso sa kada aldaw na multa na ipapataw sa mga ini.
Magin sa pag-uli kan mga libro na naraot kan nagamit, katampad man kaini an magkakanigong penalidad na hasta sa pagribay kan kaparehong libro na siring kan sa lost books.
Sa ibong na lado, dakulang pasasalamat man kan librarian na dawa pa dakol asin pano-pano na an provincial library katakod kan pagpupuon kan klase, mantenidong disiplinado an mga nagagamit.
Regular naman na pano-pano an library urog na ngonian na kralasehan asin estudyante an komon na mga kliyente.
