LEGAZPI CITY – Padagos an pagsasagibo nin mga anti-illegal drugs operation kan Albay Poluce Provincial Office.
Sa intrevista kan Bombo Radyo Legazpi ki Police Senior Inspector Manny Ramos, tagapagtaram kan Albay PPO, pighayag kaini na puon kan ibalik sainda an Oplan Tokhang, magayon man an nagigin resulta kan saindang mga operasyon.
Pigduon man kan opisyal na sa presente mas nakatutok sinda sa diretsos humanos kan mga drug personalities kun sain iba-validate muna ninda na mga kapot na impormasyon kan mga kapulisan antes sinda magsagibo nin operasyon.
Ini huli ta komon suboot na nahuhusgahan an mga kapulisan na nagsasagibo kan oplan tokhang urog na kun nagagadan an sarong persona na pigtutubudan na imbwelto sa iligal na droga.
Mientrastanto, padagos man suboot an saindang pakikipagtabangan sa Philippine Drug Enforcement Agency (PDEA) huli ta saro ini sa mandatong itinao sainda asin maikokunsiderar na invalid an operasyon kun wara an nasambitan na ahensya.
