Legazpi City- Preparado na an Albay Police Provincial Office sa pag komemorar kan undas sa probinsya.
Segun kay PCol. Julius Añonuevo, an provincial director kan Albay PPO sa intrevista kan Bombo Radyo Legazpi na nagbugtak na nin police assistance sa mga sementeryo asi wara pa man sa ngunyan na nangyayaring insidente sa probinsya.
Piglalaoman kaini na poon sa ngunyan na aldaw hasta sa nobyembre 3 an peak kan pagdagsa sa mga manlain-laing sementeryo sa probinsya, mapa publiko man o pribado.
Mahigot man na pigbabawal kan saindang opisina an pagdadara sa laog kan mga kamposanto nin arak, sigarilyo, firearms maliban sa mga uniform personel, pagsugal,pagdara nin matatarom na bagay, bawal man an labing pagribok partikular na an pag-videoke asin mabugtak man nin mga tamang tapukan nin basura nganing mamantinir an kalinigan sa mga kamposanto.
Nangapodan man si Añouevo sa mga local government unit na magbugtak nin oras kun nuarin sana pwedeng magdara nin pintura asin maglinig sa mga sementeryo.
Katabang man ninda an manlaing laing ahensya kan gobyerno nganing mag-antabay asin magtaong asistensya sa mga kampo santo mantang dae man kaini inali an mga dati nang pig-augment na mga kapulisan na nagtatabang sa mga banwaan sa probinsya na nasalanta kan bagyong kristine.
Irigwa man na mga naakabantay na mga kapulisan sa mga terminal,pantalan, aeropuerto asin mga anumang point of entries na pwedeng dagsaon kan mga pasahero sa Albay.
Pagirumdom kan opisyal sa publikong mabisita sa mga kamposanto na dae na magdara nin ipinagbabawal na mga bagay sa pagbisita sa saindang mga yumaong padangat sa buhay asin handang handa an kapulisan asin mga ahensya kan gobyerno sa papaabot na undas sa probinsya.
