LEGAZPI CITY — (UPDATE) Naresibe na kan Albay Police Provincial Office an investigation report na isinumite kan Legazpi City Police Station dapit sa nangyaring pagkagadan ni Michael ‘Macmac’ Obogne.
Segun ki Albay PPO spokesperson Police Chief Inspector Arthur Gomez, laog kan nasambitan na report an surrounding circumstances sana kan bilog na pangyayari puon sa pagkakadakop ki Obogne asin sa kaibanan kaini na pigtataram na parahaon man na si Ralph Estipona.
Nagluluwas suboot sa report na legal an pagkulong sa duwa asin an pagluwas kaya kinakaipuhan ngunyan na patunayan kun totoo an alegasyon kan testigo na binadil si Obogne kan nagkapirang pulis antes na nadukayang wara nang buhay sa bawaan kan Polangui.
Dugang pa ni Gomez na kun igwa nang ebidensya, pwedesir na isangat sa korte an kaso kaya nagpuon na man sinda ngunyan na magkolekta nin mga ebidensya na posiblenbg makatabang sa pagkaka resolbar kan isyu.
Sa presente pag-aadalan suboot kan PPO an bilog na insidente kaya hagad kaini na maipagkoordinar an pamilya kan biktima ngani na makakua nin statement asin maaraman kun may probable cause saka isasangat an criminal asin administrative case depende sa kusog kan ebidensya.
