LEGAZPI CITY- Naka alerto na an bilog na pwersa kan Albay Police Provincial Office para sa pagselebrar kan Pasko.
Segun ki Albay PPO Director Police Col. Noel Nuñez sa intrevista kan Bombo Radyo Legazpi na nakahanda an pwersa kan mga kapulisan ngani na masierto an paz y orden sa bilog na provincia.
Napag-araman na naka-deploy na an mga kapulisan sa mga strategic areas ngani na marikas na makapag respunde kun kinakaipuhan kan mga namamanwaan.
Paliwanag kan opisyal na nakalatag na man an mga police assistance desk ngani na mas madali na maranihan kan publiko.
Mientras tanto, kasabay kan selebrasyon kan Kapaskuhan, nagpagirumdom si Nuñez sa publiko na maglikay sa mga pigpo-post sa social media huli ta komon ining nakakapukaw sa atensyon kan mga parahabon.
Nagigin langkaban kaya suboot an harabunan sa siring na mga okasyon urog na kun pig-aanunsyo na wara sinda sa kanya-kanyang mga harong.
