LEGAZPI CITY — Nakapagrehistro nin 14, 221 na crime incident sa bilog na Kabikolan puon kan bulan kan Enero hasta Mayo sa presenteng taon kun sain nangenot an Camarine Sur Police Provincial Office sa igwang pinakahalangkaw na insidente nin krimen na nakapagrehistro nin 5,152 na manlaen laen na krimen.
Katakod kaini, nagpang-duwa man an Albay Police Provincial Office sa igwang pinakahalangkaw na crime incident na nakapagrehistro nin 3, 195.
Sa ibong kaini, segun ki Police Chief Superintendent Noel Baraceros, Director Center for Police Strategy Management, an Catanduanes PPO sana an igwang nagin paglangkaw sa index crime volume kun ikukumparar sa parehong periodo kan nakalihis na taon.
Dugang pa kan opisyal na an theft an igwang pinakahalangkaw na insidnete sa bilog na rehiyon na igwang 1, 252 na akso o 38.70% kan total crime incident na pigsusundan kan physical injury, robbery, panglulugos na igwang 276 na kaso o katumbas nin 8.52%, murder, carnapping asin homicide.
Dugang pa ni Baraceros na an average crime rate an nasa 46.87% sa kada 100,000 na populasyon.
Mientrastanto, naglangkaw man nin 3.52% an crime solustion efficiency kan Enero hasta Mayo kumparar sa nakalihis na taon.
