LEGAZPI CITY — Naghahanda naman an Albay Police Provincial Office (APPO) para sa papaabot na undas sa Nobyembre 1 hasta 2.
Segun ki Pol. C/Insp. Arthur Gomez, tagapagtaram kan Albay PPO, igwa na sinda nin mga flyers na ibabariwas sa mga namamanwa kun sain nakapalaman digdi an mga lakdang na dapat gibuhon antes, durante o makalihis an pagbisita sa mga kamposanto.
Magkakaigwa man suboot nin command conference para sana sa preparasyon para sa Undas kun sain magkakaigwa nin briefing asin kun may nahiling na kulang, masuhestiyon nin iba pang aksyon.
Afuera sa mga do’s and dont’s sa na dadarahon sa kamposanto, abisp man ni Gomez na dae na paglansihon an mga nakabantay sa gate kun sain imbes na ice tea an nakakaag sa bote, arak an iniriribay.
Plano man ninda na magbugtak nin portalet ngane na magamit kan mga mabisita sa kamposanto.
Dugang kan opisyal, petsa 31 pa sana kan Oktubre, naka-deploy na an mga pulis para sa visibility kun sain afuera sa pagbantay sa kamposanto, maglilibot man an mga ini sa ada harong na mababayaan kan mga namamanwa.
