LEGAZPI CITY-Nag-implementar na nin mahigot na seguridad an Albay Police Provincial Office (PPO) sa bilog na probinsya bilang parte kan saindang paghahanda sa pag-ruso kan mga deboto ngonian na Semana Santa.
Segun ki Albay Police Provincial Office Provincial Director Police Lieutenant Colonel Noel Nuñez, sa intrevista kan Bombo Radyo Legazpi na na-identipikar na ninda an mga munisipyo asin ciudad, siring man an mga stations of the cross, transportasyon, sea ports, asin mga mall kun sain mamamatean an presensya kan kapulisan.
Sa mga lugar ini mahihiling suboot an mga motorist assistance center asin police assistance desk asin maglalatas man nin mga personahes para sa kaligtasan ngonina na piglalaoman an bakasyon.
Pigkokonsidera na man ninda an mga road condition arog kan mga barricade sa kahalabaan kan kalsada, na mahale na o malaagan nin mga warning devices ngani maibitaran an aksidente.
Dagdag pa ni Nuñez, na padiit-diit muna sinda maglalatag nin mga personahe hasta sa pag-abot kan holy week.
Huli sa piglalaoman na ruso kan mga motorista, piglalaoman man na makakaapektar ini sa saindang pag-byahe.
Dai man suboot hihiroon an mga deployed personnel sa border control point mantang padagos man liwat an aktibidad kan bulkang Mayon.
Pagirumdom kan otoridad na magin alerto sa mga dudumanan na simbahan, terminal, magin mga tourist destination.
