LEGAZPI CITY—Padagos an imbestigasyon kan mga otoridad sa naresibeng bomb threats kan duwang eskwelahan sa provincia kan Albay.
Magigiromdomang enot nang nagkaigwa nin suboot bomb threat sa Bicol University kan Oktubre 8, kun saen sinabi man kan mga otoridad na warang nakatanom na bomba sa laog kan unibersidad.
Alagad, sinundan pa ini nin saro pang bomb threat kan Oktubre 9 makalihis an report gikan sa Ligao City Hall na nakaresibe suboot sinda nin bomb threat sa e-mail asin pigsabing may nakatanom na bomba sa Infotech Development Systems Colleges kan nasabing ciudad—susog sa otoridad na negative asin clear an lugar.
Segun ki Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi, na saindang pigpa-pattern kun may pagkakapareho an duwang insidente.
Afuera digdi, nakipagkoordinar man sinda sa anti-cybercrime group nganing mabisto an IP address kan indibidwal na nasa likod kan bomb threats.
Dugang ni Nuñez na an posibleng intensyon suboot kan suspek an manakot sa mga estudyante.
Mienstranto, pig-asigurar man kan opisyal an publiko na sinda ligtas, nasa maray na kamugtakan, asin naka-antabay suboot an saindang kapulisan para sa pagpapaotob kan paz y orden sa komunidad.
