LEGAZPI CITY-Bubuksan giraray para sa publiko an Albay Park and Wildlife makalihis an pagaagi kan bagyong Uwan.
Segun ki Albay Park and Wildlife Park Manager Dr. Franz Colambo sa intrevista kan Bombo Radyo Legazpi, na mabukas na poon ngonian sa dating oras poon alas 8:00 nin aga hasta alas 5:00 nin hapon sa aldaw nin Lunes hasta Domingo.
Planong man suboot na isairarom an nasabing atraksyon sa sarong rehabilitasyon sa maabot na 2026 o 2027 basado sa ipigbubusol na proposal.
Dagdag pa kan opisyal na padiit diit na aayuson an lugar huli sa kadakol pa an mga natumbang darakulang kahoy alagad sa ngonian an pwedisir na man ini para sa publiko.
Huli suboot ini sa haloy nang dai nare-renovate poon pa kan taong 2014 kun sain igwang pigeestimar na P50-Bilyon na budget.
Sa presente, makalihis an panrarapado kan bagyo an igwa na sanang 23 na mga street animals an nawawara sa Albay Park and Wildlife alagad difisil na suboot an paghahanap kan mga ini huli sa kadaklan digdi an mga bayong siring kan love birds.
Mientrastanto, nagpapasalamat man an opisyal sa mga nagin katuwang ninda sa paglinig sa lugar asin naghahagad man an manager kan lugar nin diit na pasensya sa mga mabirisita huli sa nagsasagibo pa man giraray sinda nin clearing operation durante kan pagbubukas kaini para sa publiko.
