LEGAZPI CITY- Mas pinahigot pa kan gobierno provincial kan Albay an pagpapaotob nin mga border control measures ngani na mapreventaran na makalaog sa provincia an mga karne na infected nin African Swine Fever.
Pinag-iisipan man kan Albay Veterinary Office an paglalatag nin mga checkpoints kasabay kan nasabing lakdang.
Kaibanan pa sa mayor na pigbabantayan an mga pantalan asin iba pang point of entries.
Kaibanan samga igwang ASF Animal Quarantine Checkpoints an Mayong sa banwaan kan Tiwi, Barangay Agos, Polangui, Bonbom sa banwaan kan Ligao, pantalan kan Pio Duran asin Villhermosa sa banwaan kan Daraga.
Napag-araman na nagkaigwa man nin konsultasyon an ahensya sa mga livestock inspectors asin veterinarians hali sa manlain lain na mga banwaa asin ciudad sa provincia ngani na maenganyar an mga ini na magpaotob man nin kaparehong mga lakdang.
Marurumduman na wara ng nairerehistro na mga bagong kaso kan African Swine Fever sa provincia alagad padagos man liwat na nagpapaotob nin paghihigot ngani na dae maapektaran an hog industry sa provincia.
