LEGAZPI CITY—Niyanig ng 5.4 magnitude na lindol ang lalawigan ng Albay, bandang alas-9:58 ng gabi nitong Biyernes, Hunyo 6.
Ayon sa Philippine Institute of Volcanology and Seismology (PHIVOLCS-DOST), may lalim itong 10 kilometro at naitala ang lokasyon sa silangan ng Santo Domingo ng naturang lalawigan.
Naitala rin ang Intensity I sa Mercedes, Camarines Norte; Pili, Iriga City, Ragay, Sipocot sa Camarines Sur; Boac, Marinduque; San Roque, Northern Samar; Gumaca, Quezon; at Sorsogon City, Sorsogon.
Samantala, tectonic ang pinagmulan ng lindol, at may naitala rin na aftershocks.
