LEGAZPI CITY – Nagtetenir sa primerong pwesto an provincia kan Albay sa partial and unofficial medal tally sa nagpapadagos na Palarong Bicol 2025.
Segun ki Department of Education Legazpi City Division Sports Officer Dexter Sison na nangawat man an provincia kan Camarines Norte asin nakatungtong sa ikaduwang pwesto sa paagi kan individual sports partikulamente sa athletics asin boxing.
Kadaklan sa mga natatadang kawat sa ngonian iyo an basketball, volleybal asin football huli ta mga haloy ining karawaton asin may mga bracket na pigsusunod.
Kagayunan suboot an nasa semifinals round na an kadaklan sa mga ini kun kaya piglalaoman nindang matatapos na an mga naunambitang kawat.
Pigtaram pa kan opisyal na inomaw kan Deped Central Office an preparasyon kan hosting kan Legazpi City kan palarong bicol asin nagmistula suboot na naghost an ciudad ki palarong pambansa.
Lima lang suboot an nahihiling nindang mga gold medalist an makakadiretso sa palarong pambansa huli ta kadaklan sa mga ini an graduate na asin an iba man an matungtong na sa grade seven.
Padagos man an pagpapagirumdom ninda ki sportmanship sa gabos na pakawat huli ta dapat mangibabaw an respeto kan lambang saro.
Pagdoon ni Sision na kun kakayanon kan saindang budget, mawot nindang magkuwa nin mga national trainor nganing makatabang sa mga delegado na ipapaglaban sa palrong pambansa 2025.
