LEGAZPI CITY — Inilunsar kan gobyerno provincial kan Albay an ATIng Kaugnay (School-on-the-Air Program on Dairy Goat Production) program para sa mga paraoma sa probinsya.
An nasabing proyekto an sa pakikipagtabangan kan provincial government asin kan Agricultural Training Institute para naman sa mga presente asin potential na maataman nin kanding.
Obheto kan nasabing programa na matukar an pinakabagong updates asin kaaraman dapit sa sustinableng produksyon nin kanding, kakayanang magdilensya asin seguridad kan kapalibutan.
Sa paagi kan programa, naglalaom an gobyerno kan Albay na makakapagtao nin madali asin mahewas na paagi kan pagdesiminar nin impormasyon sa mga nag-aataman nin kanding asin siring man, makapagtao nin avenue kun saen maiengganyar an mga Albayanos na magpartisipar sa backyard farming asin livestock raising.
Kun babalikan, inilunsar man ni Governor Al Francis Bichara an family based food production program kun saen inisyal na tinawan an 100 na pamilya hale sa kada 72 na barangay sa Albay nin farming equipment asin seedlings na itatanom sa saindang mga natad.
An nasabing lakdang an susog sa bisyon ni Bichara na mautob an food security sa probinsya.
