LEGAZPI CITY – Ni-revoke na ni Albay Governor Noel Rosal ang 71 quarry permits na dating ipigtao kan nakalihis administrasyon kan gobierno provincial o katampad nin haros kabanga kan kabilugang 145 permittees.
Tinawan man nin tulong bulan an mga nabawian nin permit nganing i-dispose an saindang mga stockpile nganing malikayan an peligro sa mga kataraid na barangay.
Segun sa provincial government, kun dae ini magigibo sa ipigbugtak na panahon, kukumpiskaron an mga ini kan gobyerno.
Mientrastanto, 56 pang permit holder an pinadarhan nin show cause order nganing ipaliwanag an saindang operasyon.
Sa kabilugan 18 permittees na sana an pigtutugutang makapagpadagos kan operasyon enkaso tanggalon na ni Governor Rosal an Executive Order No. 35.
