LEGAZPI CITY — Nagpaluwas na nin kasuguan si PNP Bicol Director C/Supt. Antonio Gardiola dapit sa termination ni Albay Provincial Director S/Supt. Antonio Cirujales.
Pag-eksplikar ni Pol. S/Insp. Malu Calubaquib, si Cirujales an naghahanap ngunyan nin posisyon para sa chief directorial staff asin makalihis ini, malaog na sa Deputy Regional Director for administration.
Segun sa opisyal, kinakaipuhan na kuwaon an gabos na oportunidad para sa star rank.
Sa presente, nakatalaan na magsalida sa pwesto si S/Supt. Milo Bella Pagtalunan na enot na nagserbi bilang chief kan Police Strategy Unit na nagpapahiro kan OGC sa patrol plan asin governance system.
Sinierto kan ni Calubaquib na “in good hands” an Albay sa pamamayo kan bagong Provincial Director.
Mientrastanto, pinaglalaoman man na sa masunod na bulan, magkakaigwa nin mga bagong chief of police sa probinsya huli ta makakapagtapos na an mga naga schooling sa advance course.
Pag-eksplikar kan opisyal, ini an ngani na mas maadalan pa kan mga opisyal an iba pang police matters sa probinsya.
