LEGAZPI CITY—Nangengenot an Albay division ngonian sa pinaka-overall na medal tally sa nagpapadagos na Palarong Bicol 2025 sa ciudad kan Legazpi.
Segun ki Schools Division Office Albay Spokesperson Froilan Tena, sa intrevista kan Bombo Radyo Legazpi, sa presente nakaguno na an Albay nin 37 gold, 32 silver, asin 29 bronze na mga medalya.
Sa kategorya kan elementary nasa ikatolong pwesto an Albay division na may 12 gold, 21 silver, asin 11 bronze na mga medalya.
Mantang primerong pwesto man sa kategorya kan secondary kun saen nakaguno na nin 25 gold, 11 silver, asin 18 bronze na mga medalya.
Dugang kan opisyal na haros nadoble an pagsakat kan pwesto kan Albay kumpara sa nakaaging taon sa Palarong Bicol.
Naglalaom man ini na mamantenir an pwesto sa mga natatadang pang kawat sa nagpapadagos na Palarong Bicol 2025.
