LEGAZPI CITY — Isinumite ni Albay 2nd District Rep. Joey Salceda an House Bill No. 7719 na mawot i-extend an barangay officials’ eligibility (BOE) hasta sa Sangguniang Kabataan (SK) kagawads.
Segun ki Salceda, ipigtatao an BOE sa mga Barangay Officials na nakabase sa completion of term of office siring kan kapitan, regular Sangguniang Barangay Members, asin Sangguniang Kabataan Chairmen; asin Appointive Barangay Officials siring kan Barangay Treasurers, asin Barangay Secretaries in-appoint kan kapitan.
Ineksplikar kan kongresista na an age requirement an parehas man sana 0 18-above para sa barangay officials asin 18-24 para sa SK kagawads.
Obheto man kan propuesto (Sangguniang Kabataan Barangay Official Eligibility (BOE) Act) na pagtibayin an partisipasyon kan joven sa nation building na nagpo-promote asin nagpo-protehir kan physical, moral, spiritual, intellectual asin social being asin itanom an importansya kan patriorisim, nationalism asin iba pang kaugalian asin iengganyar an involvement sa public asin civic affairs.
An date of effectivity kan BOE an magiging petsa man kan approval kan aplikasyon kan concerned CSC Regional Office (RO).
An pagsumite man kan aplikasyon para sa grant kan BOE para sa elective asin appointive SK barangay officials an makalihis makumpleto an termino sa laog kan duwang taon.
