LEGAZPI CITY—Nagpagiromdom an manhamiento kan Albay Cathedral sa mga nagsisimba na irespeto an kasagraduhan kan Simbahan sa katahawan kan pagsagibo nin Simbang Gabi.
Segun ki Albay Cathedral Fr. Lindon Balubag, sa intrevista kan Bombo Radyo Legazpi, na siertohon na an tuyo pag-abot sa Simbahan an magpangadyi, pagsimba asin pagrani sa Mahal na Diyos.
Dugang niya na pagluwas nin Simbahan an siertohon man an toltol na ugali sa pagmaneho, paglakaw, asin magin maayos man liwat an pakikisalamuha sa ibong kan dakol an nag-aatendir sa Banal na Misa.
Liwat man na nangangapodan si Fr. Balubag na magsunod sa mga patakaran na pigpapautob kan mga otoridad para man sa saindang kaligtasan.
