LEGAZPI CITY- Nagteteneir na hibaba an nairerehistrong mga aktibidad kan Philippine Institute of Volcanology and Seismology sa bulkang Mayon sa nakalihis na mga aldaw.
Segun ki Mayon Observatory Meteorologist Deborah Fernadez sa intrevista kan Bombo Radyo Legazpi na sa ibong kan hibabang mga rockfall events o volcanic earthquakes, igwa pang pigbabantayan na iba pang mga parameters.
Huli digdi, dae basta-basta pwedesir na ibaba an presenteng alert level 1 sa bulkang Mayon.
Mientras tanto, nagpatanid man si Fernandez sa publiko na sa ibong kan padiit-diit na pagkalma kan bulkan, mahigot man liwat na ipinagbabawal an paglaog sa 6km radius permanent danger zone.
Napag-araman na mahigot man na pigmo-monitor ngunyan an posibleng epekto kan mga pag-uran sa provincia kan Albay sa mga residenteng nagtetenir sa pamitisan kan Mayon volcano.
