LEGAZPI CITY- Duwa an kumpirmadong gadan sa nangyaring aksidente sa Purok 7 Brgy. Peñafrancia banwaan kan Daraga.
Enot kaini, aksidenteng nagbangga sa kahoy nin acacia an Philtranco bus na pigmamanehar ni Marvin Eva, 35-anyos na byahe kutang Sorsogon.
Pigsasabing nawaraan nin kontrol sa manibela an drayber kun kaya naibangga sa nasambitan na kahoy an bus.
Dead on the spot an 60-anyos na si Jane Dimaano kan Bacon District Sorsogon mantang nagadan man sa ospital si Henry Bartolome kan parehong lugar.
Tulo pang pasahero an nairehistrong lugadan sa insidente kabale na si Eva asin an saro pang drayber kan bus na si Garry Dongaol, 34-anyos.
Sa intribista ki PCI Elcid Roldan, hepe kan Daraga Municipal Police Station, kinumpirmar kaini na padagos na pigbubulong sa ospital an mga biktima asin baad operahan an saro sa mga drayber kan behikulo.
Pwedesir suboot na sangatan nin kaso si Eva na iyo an aktwal na nagmamanehar kan bus huli ta human error an nangyaring pagbangga kaini sa acacia.
Sigon pa sa hepe, nagigin accident prone area na an tinampo sa Brgy. Peñafrancia hasta sa Brgy. Villa Hermosa kun kaya mahagad sya nin listahan kan mga aksidente sa nasambitan na mga lugar ngani na makabilog nin assessment.
Sa ngunyan, nagpapadagos suboot an saindang imbestigasyon sa nangyaring insidente.
