LEGAZPI CITY-Pignegaran ni dating House appropriations panel chairperson asin Ako Bicol Party-list Representative Zaldy Co an alegasyon na igwang P13 bilyon insertions sa P6.3 -trillion national budget ngonian na taon.
Sinabi kaini na an nagluwas na orolay an bako sana imbento, na malinaw na politikal an motibo asin pigigibo sana ngani maliwat an atensyon kan publiko asin ituon ini sa ibang mga paninimbagan.
Dagdag pa niya na an 2025 General Appropriations Act an probisyon na bako para sa siya an magdesisyon huli sa an kaparehong pigaaprubahan kan halangkaw asin hababang kapulungan kan kongerso na pirmado man ni President Ferdinand Marcos Jr.
Igwa man suboot nin tsansa na an nagkapirang probisyon an nai-veto asin dai naipaluwas an pondo.
An nasabing alegasyon an ipigsisiwalat ni Navotas Representative Tobias Tiangco na tumestigo sa Senate Blue Ribbon inquiry mapadapit sa mga orolay sa flood control projects.
Magigirumduman na kairiba si Co sa nadawit kan ipaluwas kan mga kontraktor na si Sara asin Curlee Discaya an mga awards kan mga proyekto.
Si Co an incorporator kan Sunwest Inc. na panlima sa pangenot na flood control project contractors sa Bicol region.
