LEGAZPI CITY — Pig-aaram pa kan mga otoridad an motibo kan suspek kan pagsasaksakon kaini an sadiring ina sa syudad kan Ligao.
Base sa paenot na imbestigasyon kan Ligao City Police, ipinaaram kan kataid kan biktimang si Grace Jane Abetria, 39 anyos asin residente kan Purok 4 Barangay Layon sa nasabing syudad an insidente kun saen sinaksak suboot kan suspek an biktima gamit an gunting.
Napag-araman na may helang sa pag-iisip an suspek na 18-anyos.
Idinalagan man sa ospital an biktima na nagsapar nin tama sa likod kan saiyang abaga.
Sa ngunyan, nasa kustodiya na kan mga otoridad an suspek mantang nagpapadagos pa an imbestigasyon sa nasabing insidente.
