LEGAZPI CITY – Nagpasalamat alagad dae naibitarang magpatutsada ni Atty. Justin Batocabe, matuang aki kan ginadan na lehislador makalihis na mabaretaan an pagsurendir ni Daraga Mayor Carlwyn Baldo.
Kasubagong aga kan magsurendir ki Baldo si Presiding Judge Maria Theresa San Juan Loquillano sa Legazpi Regional Trial Court Branch 10 ang alkalde na ipigtutukdong mastermind sa panggagadan ki Party-list Congressman Rodel Batocabe.
Sa ekslusibong intrevista kan Bombo Radyo Legazpi sa mas joven na Batocabe, dae pa man suboot mababago an katotoohan na nagtago asin nagdulag sa laog nin nagkapirang aldaw si Baldo makalihis na maibaba an arrest warrant.
Klarado suboot ining indikasyon kan pagkakasala kan alkalde na nahahampang ngonian sa 2-counts nin kasong murder. Afuera sa nasabing kaso, nahahampang pa ini sa kasong multiple attempted murder asin illegal possession of firearms and ammunition.
Mientras tanto, nagtetenir na si Baldo sa Legazpi City District Jail.
