LEGAZPI CITY – Warang dapat na ikahadit an mga ciudadano kan Legazpi makalihis na madugangan an mga nagpositibo sa coronavirus.
Sa datos kan Albay Provincial Health Office, apat na an nagpositibo sa Legazpi, tulo sa Guinobatan asin tigsaro sa Daraga asin Bacacay.
Sa intrevista kan Bombo Radyo Legazpi, sinabi ni Albay PHO head Dr. Antonio Ludovice na sarong 63-anyos na babayi na nagbiyahe sa Baguio asin naghapit sa Metro Manila ang bagong kaso alagad negatibo man sa testing an agom kaining lalaki.
Anas naman naka-isolate an mga ini tangarig na mapugulan an paglakop kan virus.
Kinuhaan naman nin swab samples an aki asin makuapo kan babayi bilang pasiguro.
Segun pa ki Ludovice, nasa marahay nang kondisyon an mga ini.
Mientras tanto, pighahalat na sana man an resulta kan iba pang persons under investigation (PUI) na isinairarom sa testing sa Albay.
