LEGAZPI CITY- Halipot alagad malaman an reaksyon kan kapwa lehislador asin ugos na amigo kan ginadan na si Ako Bicol Party-list Representative Rodel Batocabe makalihis na itukdo ni PNP Chief Oscar Albayalde na an presenteng mayor kan Daraga, Albay na si Carlwyn Baldo an siyang mastermind sa panggagadan sa lehislador.
Sa ekslusibong intrevista kan Bombo Radyo Legazpi ki AKB Party-list Representative Alfredo Garbin Jr., inabisuhan kaini si Mayor Baldo na magkua nin matibay na abogado sa mga kakahampangon na kaso.
Dakol na kaya suboot na mga abogado an nagpapahayag sa Pamilya Batocabe na matabang sa pagtatao nin proteksyon sa paglaban kan kaso kan lehislador sa korte.
Dakula man an pasasalamat kan lehislador sa marikas na aksyon kan kapulisan alagad apelar man giraray an “truthful delivery of justice”.
Makukua sana suboot an tunay na hustisya kun mauuli sa conviction an latest development mantang nagpromesa an opisyal sa dagos-dagos na paglaban sa legal na paagi.
