LEGAZPI CITY — Ikinaugma ni AKO-Bicol Party-list Rep. Rodel Batocabe na naprubaran na sa committee on population and family relations an national ID system.
Segun ki Batocabe sa intrevista kan Bombo Radyo, magkaiba pa sinda ni Albay Gov. Al Francis Bichara sa pagbusol kan nasabing lakdang ngane na matawan nin saro na sanang ID an gabos na Pilipinong edad 18 pataas.
Kinontra man kan kongresista an mga pagtuyaw kan nagkapirang sektor na suboot maresulta an national ID system sa ‘intensified surveillance’.
Sinabi ni Batocabe na bako man sensitibong impormasyon an pighahagad kan gobyerno siring kan compleaño, kasarian, edad, status, blood type asin iba pa.
An medyo sensitibo sana suboot digdi an address asin wara ng iba pa.
Bako man suboot kwarta sa bangko, listahan kan propriedad, SALN o Statement of Assets, Liabilities, and Net Worth an pighahagad kun kaya warang magiging problema sa national ID.
Dugang pa kaini, wara man na kaipuhang itago an sarong persona kun nagsusunod ini sa ley asin an mga kriminal pa mismo an dapat na matakot sa lakdang.
Sa huri, sinabi ni Batocabe na warang dapat na ikahadit an namamanwa asin kumpyansa ini na maipapasa an nasabing resolusyon.
