Warang pondo an Ayuda Para Sa Kapos ang Kita Program (AKAP) kan Department of Social Welfare and Development (DSWD) sa irarom kan propuestong P6.793 trillion 2026 national budget.
Ini an kinumpirmar ni Department of Budget and Management (DBM) Secretary Amenah Pangandaman.
An AKAP enot na pig-introdusir kan 2023 ni Speaker Martin Romualdez asin kan dating House Appropriations Chairman na si Rep. Elizaldy Co.
Katuyuhan kaini na matawan nin tabang pinansyal an mga minimum wage earners na mga pobreng Pilipino na apektado kan nag-iitaas na inflation.
Tinatsaran an soboot “pet project” ni Romualdez na kabali sa 2024 national budget na may budget na P26 billion asin kapareho man sa 2025.
Segun ki Pangandaman, an AKAP dai pa napondohan para sa 2026 huli sa limitadong fiscal space.
Mientrastanto, an Pantawid Pamilyang Pilipino Program o 4Ps igwa nin budget na P113 billion.
 of the Department of Social Welfare and Development (DSWD) has no funds under the proposed P6.793 trillion 2026 national budget.){kind=link}