Aguirre, pinahimutikan an pagiging ‘Co-Perpetrators’ sa kaso kan ICC vs Duterte

Pinahimutikan ni dating Justice Secretary Vitaliano Aguirre II na siya an “co-perpetrators” o kasabwat na may kinaaraman sa crimes against humanity case laban ki dating Presidente Rodrigo Duterte sa International Criminal Court (ICC).

Sa sarong intrevista, inapod ni Aguirre na makaulok an mga alegasyon.

Pigduon kan dating Department of Justice (DOJ) chief dai siya imbuelto sa kontrobersyal na war on drugs kan administrasyon ni Duterte.

Nagserbi sana suboot siya bilang sarong abogado asin bilang Justice Secretary poon 2016 sagkod Abril 2018.

Makusog man kaining pinahimutikan an alegasyon na dapat siyang manimbag sa mga panggagadan na may kinaaraman sa anti-drug campaign, asin ipinaliwanag na dae pig-iimplementar kan DOJ an operasyon.

Mientrastanto, mahigot man na pinahimutikan ni Senador Christopher “Bong” Go an mga alegasyon mantang si Senador Ronald “Bato” Dela Rosa, saro pang pigkokonsiderang co-perpetrator, dai man naghahampang sa publiko asin sa Senado poon pa kan Nobyembre huli sa mga bareta na may posibleng mandamiento de aresto kan ICC laban saiya.

Para sa Senado, sinabi ni Senate President Pro Tempore Ping Lacson na pag-oolayan ninda an mga posibleng lakdang, kabale na an tabang na pwedeng itao ki Dela Rosa asin Go.

Dugang pa ni Lacson, dapat tawan nin pagkakataon an mga senador na gamiton an gabos na legal na opsyon.