LEGAZPI CITY – Imbitado ni Governor Noel Rosal an gabos na mga Albayano sa isasagibong Albay Electric Cooperative (ALECO) Annual General Membership Assembly (AGMA) sa Setyembre 3.
Sa intrevista kan Bombo Radyo Legazpi ki Rosal, maatendir sa nasabing pagtiripon an National Electrification Administration (NEA).
Digdi, ipipresentar an resulta kan audit na isinagibo sa Albay Power and Energy Corporation (APEC) na presenteng power distributor sa provincia.
Liwat man na hihilingon an ALECO asin APEC concession agreement na matimbang kun dapat pang ipadagos an kasunduan.
Sa Albay Astrodome isasagibo an meeting, ganap na ala-1:00 nin hapon.
