LEGAZPI CITY—Nag-abot na sa apat na lugar sa rehiyong Bicol an kumpirmadong may kaso nin African swine fever.
Segun ki Department of Agriculture Bicol Spokesperson Love Guarin, sa intrevista kan Bombo Radyo Legazpi, kabale sa mga nasabing lugar an Naga City, Iriga City, Nabua asin Pili sa provincia kan Camarines Sur.
Kasunod kaini nakikipagtabangan na man an ahensya sa mga local government units nganing i-activate, magbugtak nin checkpoints kun sain ipigbawal muna an pagpapaagi nin mga urig hale sa infected area; magin sa National Meat Inspection Service para sa pagdakop nin mga hot meat, asin mga checkpoints kan Animal Bureau Industry.
Tinawan-doon niya na dapat magin pro-active man an mga local government units nganing dae malaog an saindang lugar kan African swine fever.
Dugang kaini na wara pa man sindang naresibe na nagpositibo sa helang hale sa iba provincia kan rehiyon.
Sinaysay man ni Guarin na dapat seryosohon ini kan mga hog raisers, LGUs, huli sa saro ining agyat sa hog industry urog na kun sunod-sunod na mga munisipyo an magpositibo sa nasabing helang.
