LEGAZPI CITY- Maisog na sinabi kan tagapagtaram kan Southern Luzon Command (SOLCOM) katakod kan wala toong engkwentro na nairehistro sa manlaen-laen na probinsya sa Pilipinas na ipigtatakod sa rebeldeng grupong New People’s Army (NPA.)
Ipighayag ni Major Gil Perez na labi pa sa 100 an myembro kan NPA sa Bicol alagad nagsayuma ining isapubliko kun anong mga barangay an maikokonsidirar na kontrolado kan mga rebelde.
Bastante na suboot an kakayanan asin combat equipment kan militar sa paglaban sa mga ini mantang naka-posisyon na man an mga gamit pang-gyera.
Sa presente, nakapagrehistro na nin apat na bakbakan sa saindang jurisdiksyon an SOLCOM gikan sa mga banwaan kan Mindoro, Camarines Sur, Masbate asin Sorsogon.
Sa ibong kan mga maiinit na bakbakan, naglalaom man giraray an nasambitan na opisyal na magkakaigwa pa nin oportunidad na liwat na maibusol an peace talks.
Nagwalat pa ini nin mensahe sa mga NPA na pare-pareho man sana sindang Pilipino, magturugang asin sarong lahi.
