LEGAZPI CITY — Klinaripikar kan liderato kan 9th Infantry Division kan Puersa Armadas kan Pilipinas (AFP) na naglunsar nin enhancement and capability training bako huli sa kinakahampang na dakulang security concern sa rehiyon Bicol.
Katakod ini kan isinagibong ceremonial launching kan Joint-Task Force Bicolandia sa ciudad kan Legazpi na compuesto kan 9th ID, Tactical Operations Group 5 kan Philippine Air Force (PAF) asin Naval Task Force 41 kan Naval Forces for Southern Luzon (NAVFORSOL).
Sa intrevista kan Bombo Radyo Legazpi ki 9th ID spokesperson Captain Joash Pramis, parte sana an lakdang kan preparasyon asin operation directive kan Southern Luzon Command (SOLCOM) na ibinaba kan bulan nin Abril alagad naoktaba nin diit huli sa availability kan mga concerned personnel.
Dugang pa ni Pramis na dakulang katabangan man an nasabing task force sa pagtataong-asistensya sa panahon nin kalamidad siring man sa iba pang servicio publiko kan mga lugar sa Bicol.
Mientras tanto, nagsirbeng huespe de honor sa pagtiripon si AFP chief of staff General Carlito Galvez.
