LEGAZPI CITY — Nagbaba na nin kasuguan an Department of Education (DepEd) katakod kan pagbabalik kan mandatory training sa mga senior high school students makalihis na halion kan mga nakalihis na taon huli sa pagkakaigwa nin mga kontrobersiya.
Marurumduman na enot na nabisto an programa bilang Citizenship Advancement Training (CAT) alagad binago ini ngonian bilang Advanced Citizen’s training program (ACTP).
Sa intrevista kan Bombo Radyo Legazpi ki DepEd Bicol Regional Public Affairs Office Project Development Officer II Mark Kevin Arroco, pighayag kaini na nakatalaan na magkaigwa nin pilot implementation training sa mga darakulang pampublikong eskwelahan sa Bicol region.
Kaibanan sa mga ini an Daraga National High School asin Legazpi City Science High School sa provincia kan Albay, Sorsogon National High School, Masbate National High School asin Catanduanes National High School.
Napag-araman na mapuon an nasambitan na programa sa School Year 2018-2019 ngani na makapagpreparar pa an mga eskwelahan.
Mientras tanto, segun ki Arroco, kun enkaso na magin matrayumpo an pilot implementation asin wara man na mahiling na programa, ii-implemetar na ini sa gabos na mga eskwelahan sa mga masunod na taon.
