Ipigbarewas kan actress na si Elijah Alejo an makatakot na naeksperyensyahan kaini makalihis na maholdap.
Sa social media account kaini an pigbarewas kaini an insidente mantang palaog siya sa eskwelahan.
Istorya kan 20-anyos na actress na papasiring na kuta ini sa Manila Central University sa Caloocan City para sa saindang tree planting activity.
Ibinaba siya kan saiyang piglunadan na motortaxi sa medyo madistansya pa sa saindang eskwelahan kaya ini an naglakaw.
Mantang naglalakaw an pigranihan siya kan sarong lalaki asin pighinghingan ini na itao an saiyang pitaka.
Nadismaya man ini huli sa warang anumang nakabugtak na CCTV na nakapalibot sa nasabing lugar.
Nagpasalamat naman ini huli sa warang maraot na nangyari sa saiya.
Pig-abisohan na lang kan actress an mga fans kaini na mag-doble ingat.
