Masagibo nin transport holiday o tigil pasada ang transport group na Alliance of Concerned Transport Organization (ACTO) ngunyan na Lunes, Marso 23, 2026.
Segun ki ACTO national president Liberty De Luna na dae na nakakaya kan mga operator kan pampasaherong jeep an padagos na paghalangkaw kan presyo kan produktong petrolyo.
Paliwanag kaini na dae sinda mapasada o masagibo nin anumang kariribokan.
Mawot nindang ipamati ki Presidente Ferdinand Marcos Jr na nadidipisilan na sinda kaya piggibo ninda an transport holiday.
Nangapudan man ini na dapat tabangan sinda kan gobyerno sa saindang service contracts asin bank moratorium sa transport cooperatives na nadidipisilan makapagbayad sa mga modern jeepney units.
Kinanselar man kan grupong Federation of Jeepney Operators and Drivers Association of the Philippines asin Liga ng Transportasyon at Operators sa Pilipinas an saindang tigil pasada ngunyan na Lunes asin masagibo na sana sinda nin pakikipag-olay sa Department of Transportation (DOTr) at Land Transportation Franchising and Regulatory Board (LTFRB).
