LEGAZPI CITY-Ipigbuyagyag kan abogado ni dating Department of Public Works and Highways (DPWH) USec. Catalina Cabral na kan buhay pa an saiyang kliyente, inihanda suboot kaini an “parametric formula” susog sa direktiba ni dating DPWH Secretary Manuel Bonoan ngani ayuson an “district allocables” alagad dai ini simunod kan Kamara asin nagpropwesto nin sadiri nindang adjustments.
Segun kay Atty. Mae Divinagracia, kinonsulta ni Cabral an sarong ekonomista na dating consultant kan DPWH mapadapit sa sarong “algorithmic formula” na pwedisir magin paagi ngani matanggal an discretion sa alokasyon.
Paliwanag niya pa na an sarong parametric formula, malaag nin mga detalye sa excel program asin magenerate na ini nin alokasyon para sa kada distrito na nakabase sa mga criteria siring kan historical allocations, numero kan populasyon asin poverty incidence.
Iprinesenta man suboot ni dating Sec. Bonoan an formula sa liderato kan Kamara de Representantes alagd dai suboot ini narebisa asin ibinalik an mga alokasyon hale kan nakalihis na taon.
Ipinaliwanag man kan abigado na an National Expenditure Program na pig-compute an may kantidad na na-generate hale sa algorithmic formula na pighanda ni Cabral kun sain nabawasan an mga alokasyon para sa kada distrito.
Alagad kan isinagibo an adjustments, naibalik suboot an mga dating alokasyon mantang an na-restore na National Expenditure Program an suboot mga allocables.
Mientrastanto, basado sa salaysay ni Cabral, sinabi ni Atty. Divinagracia na ipinadara kay Cabral an sarong email na naglalaaog kan mga adjustments sa allocations na hale suboot sa opisina ni dating Ako Bicol Party-list Rep. Elizaldy Co.
