Legazpi City- Pinaghihidali na kan mga Abaca Farmers an pag-strip sa mga natumbang abaca huli sa pangrarapado ni Bagryon Pepito.
Sa intrevista kan Bombo Radyo Legazpi kay Bert Lusuegro, Provincial Fiber Officer, PHILFIDA Catanduanes, lampas sarong semana makalihis an panrarapado ni Bagyong pepito sa probinsya, padagos pa man giraray an paghihidali kan mga abacaleros para mapakinabangan pa an mga natumbang abaca sa probinsya.
Sarong semana kaya an nakakalihis ay dae pang nagigibong lakdang an Lokal na Gobyerno para sa sitwasyon kan mga paraoma apwera na sana sa pagtatao nin mga food packs para sa mga ini.
Dakulang kalugian na man an nairehistro kan mga Abaca Farmers huli ta an nagkapirang natubang pananom an diit-diit nang nalalapa kaya mantang kaya pa ay pigpipirit pa ini na makuwaan nin Abaca Fibers asin maipabakal. Dakula man an pasasalamat kan mga paraoma huli sa dagos sindang nakakapakua nin abaca huli sa pirang aldaw na man na magayon an panahon sa probinsya.
Sa presente dae pa man nin pagbaba sa presyo kan Abaca na dakulang tabang man sa mga apektadong farmers
Mientras tanto sa ibong kan dae pa pag-abot kan rehabilitation fund para sa mga Abacaleros ay pinagpupunan na kan mga ini an pagrehabilitate sa saindang Abaca indutry. Alagad aminado man an opsiyal na medyo nadidipisilan sinda huli naman sa dakulang danyos na sinapar kan industriya.
