LEGAZPI CITY- Pinaglalaoman an positibong epekto sa ekonomiya kan Stable Internal Peace and Security status kan Legazpi City.
Segun ki Legazpi City Councilor Charlton Lajara, Chairman kan Committee on Public Order and Safety, na mas makakapag enganyar an deklarasyon nin mas dakol na mamumuhunan huli sa pagiging salbado kan ciudad.
Tinawan duon kan opisyal na na-kontrol na an insurhensya sa Legazpi City.
Sa ibong kaini, aminado si Lajara na kinakaipuhan na mas pahiguton pa an pag promotir kan seguridad sa paagi kan mga bagong legislation.
Paliwanag kaini na bako bastante na magtatapos sana sa deklarasyon an esfuersos kundi dapat na isipon kun papano mamamantenir an Stable Internal Peace and Security status.
Huli digdi, nangapudan an opisyal nin kooperasyon sa publiko para sa pagmamantenir kan seguridad asin paz y orden.
