LEGAZPI CITY-Nagpagirumdom an mga Kapulisan sa ciudad kan Legazpi manungod sa mga pigbabawal na gamit sa pagbisita sa sementeryo mantang nagdadangadang na an Undas.
Segun ki Legazpi City Police Station Officer-in-Charge Police Lieutenant Colonel Aldin Balagat, sa intrevista kan Bombo Radyo Legazpi na nakikipag-koordinar na sinda lokal na gobierno, mga managers kan sementeryo, City Disaster Risk Reduction and Management Office (CDRRMO), Bureau of Fire Protection (BFP), medical teams asin mga barangay councils, para sa preparasyon sa Undas.
Malatag man nin mga personahes para sa traffic management sa ciudad kaiba an iba pang partner agencies ngani mamantenir an seguridad asin public safety kan mga madalaw sa puntod kan saindang namaaram na mahal sa buhay.
Pagmi-mitingan pa suboot ninda an manungod sa pagpapaluwas nin abiso sa publiko para sa paglilinig kan mga sementeryo asin an mga bawal na darahon na kagamitan sa sementeryo.
Pig-aabisuhan man an gabos na magin alerto asin bantayan an saindang mga personal na gamit orog na kun nasa luwas asin siksikan, siring man na siertuhon na nakakandado an mga harong para naman sa mga magbabakasyon.
