Pinal na an planong ipasapribado kan Department of Transportation an Metro Rail Transit Line 3 sa 2027.
Target kan DOTr na i-bid an P103.6-billion concession sa Hunyo o Hulyo 2027 asin i-turnover sa manggaganang private operator sa Oktubre 2027.
Pigklaro ni Transportation Secretary Giovanni Lopez na an MRT-3 ipapabakal komo standalone project asin dai na ibabundle sa LRT-2.
Katuyuhan kan pagsasapribado na mapakarhay an serbisyo, dagdagan an tren, asin pababaon an waiting time para sa 388,000 daily passengers.
Kaibahan sa concession an pagbakal nin bagong tren, pag-upgrade kan signaling system, asin pagpaandar kan 48 Dalian trains na haloy nang dai nagamit.
Nasa 100 local asin foreign companies na an nagpahayag nin interes, kaibahan an 26 Japanese firms.
Piggarantiya kan DOTr na an gobyerno man giraray an makontrol sa pamasahe asin an bayad sa operator ibabase sa performance targets.
